Նոյի առաջին որթատունկի երկիրը
Հայաստանի գինին, մշակույթը և հավերժական ավանդույթները
Բացահայտեք մի երկիր, որտեղ գինին պարզապես ըմպելիք չէ․ այն հազարամյակների խորքից եկող կենդանի մշակութային ժառանգության մասն է։
Հենց Հայաստանում՝ Արենի-1 քարայրում, հնագետները հայտնաբերել են աշխարհի ամենահին հայտնի գինեգործարանը, որի տարիքը գերազանցում է 6100 տարին։ Դժվար է գտնել ավելի խոսուն վկայություն այն բանի, թե որքան խորն են գինու արմատներն այս երկրում։
Աստվածաշնչյան ավանդության համաձայն՝ Նոյան տապանը հանգրվանեց Արարատ լեռան վրա, և Ջրհեղեղից հետո Նոյն առաջին հերթին խաղողի այգի տնկեց։ Այս լեգենդար լեռան ստորոտում գինի են պատրաստում մինչ օրս, իսկ Արենի-1 քարայրը կարծես կամուրջ է հնագույն ավանդության և Հայաստանի կենդանի գինեգործական մշակույթի միջև։
Յոթ օրվա ընթացքում դուք կծանոթանաք հայկական գինեգործության հնագույն ավանդույթներին, տեղական խաղողի սորտերին, բուտիկ գինետներին, վեհաշուք բնապատկերներին և այն ջերմ հյուրընկալությանը, որով հայտնի է Հայաստանը։
Երևանի աշխույժ գինու կյանքից մինչև Արագածոտնի հրաբխային այգիներ ու Վայոց ձորի տպավորիչ կիրճեր․ ձեզ սպասում են հանդիպումներ իրենց գործին նվիրված գինեգործների հետ, սեղաններ տեղացի ընտանիքների շրջապատում և ճամփորդություն՝ առանց շտապելու, հանգիստ ու վայելելով։
7 օր
8–10 հյուր
Անգլերեն, ռուսերեն, հայերեն...
Մայիս–հունիս կամ սեպտեմբեր–հոկտեմբեր
35+
Բուտիկ շքեղություն, բացառիկ հասանելիություն, անթերի հյուրընկալություն, դանդաղ ճամփորդություն
Կացության հայեցակարգ
Հինգաստղանի կամ իսկապես առանձնահատուկ բուտիկ հյուրանոցներ Երևանում և Վայոց ձորի լավագույն գյուղական հյուրատները։
Գլխավոր պահեր
- Հայկական գինեգործության 6100 տարի
- Բացառիկ այցեր գինետներ և անհատական համտեսներ մառաններում
- Անձնական հանդիպումներ գինեգործների հետ
- Հայաստանի գինու պատմության թանգարան
- Արենի-1 քարայր՝ աշխարհի ամենահին հայտնի գինեգործարանը
- Անհատական ընթրիքներ խաղողի այգիներում և գինու ու խոհանոցի նրբաճաշակ համադրություններ
- Հայկական ավանդական զամբյուղագործության վարպետաց դաս
- Մետաքսի հին ճանապարհ և Օրբելյանների քարավանատուն
- Սևանա լիճ. արհեստագործական պանիր և գինի
- Խոր Վիրապ և Նորավանք
- Երևանի ԳՈՒՄ շուկա և Վերնիսաժ
- Գինու սպա-ծեսեր և վելնես
- Շքեղ բուտիկ հյուրանոցներ
- Անհատական սպասարկում և դանդաղ ռիթմ
Օր 1 - Անհատական դիմավորում Հայաստանում
- VIP դիմավորում օդանավակայանում և անհատական տրանսֆեր պրեմիում դասի մեքենայով դեպի Երևանի խնամքով ընտրված հինգաստղանի կամ շքեղ բուտիկ հյուրանոց։
- Հանգիստ ծանոթություն հայկական գինուն փորձագետի հետ. տեղական խաղողի սորտեր և երկրի գինեգործության վերածննդի պատմությունը։
- Ջերմ ողջույնի ընթրիք շեֆ-խոհարարի կամ սոմելիեի հետ՝ հատուկ կազմված ճաշացանկով և հայկական գինիների համադրությամբ։ Անհատական ուղղահայաց համտես՝ Signature բացառիկ փորձառություն ընտրված տարիների բերքերով։
Գիշերակաց՝ շքեղ բուտիկ հյուրանոց, Երևան
Օր 2 - Գինեգործների փակ աշխարհը
- Ուղևորություն դեպի Արագածոտնի խաղողի այգիներ՝ բացառիկ այց պրեմիում գինետուն, որտեղ ձեզ կդիմավորեն անձամբ։
- Այց Հայաստանի գինու պատմության թանգարան՝ եզակի մի վայր, որտեղ պահվում են իսկական հնագիտական գտածոներ, գինեգործության հնագույն գործիքներ և դարավոր ավանդույթների վկայություններ։ Հրաբխային ժայռի մեջ՝ ութ մետր խորության վրա գտնվող թանգարանը տպավորիչ ցուցանմուշներով և կենդանի պատմություններով վերակենդանացնում է Հայաստանի հազարամյա գինեգործական ժառանգությունը։
- Ռեզերվային գինիների անհատական համտես, նրբաճաշակ լանչ խաղողի այգում և հանդիպում գինեգործի կամ տնտեսության ներկայացուցչի հետ։
- Վերադարձ Երևան. կեսօրից հետո և երեկոն՝ ձեր հայեցողությամբ։
Գիշերակաց՝ Երևան
Օր 3 - Գինու հնագույն ճանապարհը
- Անհատական այց Խոր Վիրապ՝ պատմություններով, որոնք միահյուսում են Հայաստանի անցյալը, բնությունն ու ավանդույթները։
- Հանգիստ ու գեղատեսիլ ճանապարհ դեպի Վայոց ձոր՝ երկրի ամենահին գինեգործական տարածաշրջանի սիրտը։
- Բացառիկ կեսօր Արենիի բուտիկ խաղողի այգում, որը համարվում է Եվրոպայի ամենագեղեցիկներից մեկը։ Տեղական սորտերի (Արենի, Խարջի) համտես՝ վանքերի ու լեռների տպավորիչ համայնապատկերի ֆոնին։
- Հայկական զամբյուղագործության հնագույն արհեստի վարպետաց դաս տեղացի վարպետի ղեկավարությամբ։ Ավանդական տեխնիկայով և բնական նյութերից դուք կհյուսեք ձեր սեփական գինու զամբյուղը կամ շշակիրը՝ ձեռագործ եզակի հուշանվեր, որը կտանեք ձեզ հետ։
- Տեղավորում հարմարավետ գյուղական հյուրատանը և անհատական ընթրիք մայրամուտին՝ խնամքով ընտրված գինիներով։
Գիշերակաց՝ պրեմիում գյուղական հյուրատուն, Վայոց ձոր
Օր 4 - Գինու 6000 տարի և մեկ անմոռանալի հանդիպում
- Անհատական այց Արենի-1 քարայր փորձագետի ուղեկցությամբ՝ հնագիտություն և կազմակերպված գինեգործության ակունքներ։
- Այց Նորավանք և մտերմիկ զրույց տարածաշրջանի մշակութային ժառանգության մասին։
- Այց ընտանեկան գինետուն՝ անձնական զրույց տերերի հետ, ընտրված տարիների գինիների համտես և անհատական ճաշ խաղողի այգում։
Գիշերակաց՝ պրեմիում գյուղական հյուրատուն, Վայոց ձոր
Օր 5 - Մետաքսի հին ճանապարհով. լեռներ, գինի և արհեստագործական պանիր
- Ճամփորդություն պատմական Մետաքսի ճանապարհով՝ գեղատեսիլ Սելիմի լեռնանցքով դեպի XIV դարի Օրբելյանների քարավանատուն, որտեղ ժամանակին հանգստանում էին Արևելքի և Արևմուտքի միջև ճամփորդող վաճառականները։
- Այնուհետև՝ դեպի Սևանա լճի հիասքանչ ափեր. աշխարհի ամենամեծ բարձրլեռնային քաղցրահամ լճերից մեկը՝ վեհ լեռներով շրջապատված։
- Արհեստագործական պանիրների բացառիկ համտես Միքայելյանների ընտանեկան ֆերմայում՝ տեղում պատրաստված հնեցված պանիրներ՝ ընտրված հայկական գինիների հետ մտածված համադրությամբ։
- Վերադարձ Երևան Հայկական լեռնաշխարհի գեղատեսիլ բնապատկերներով։
- Բացառիկ հանդիպումներ հայ կին գինեգործների հետ։
Գիշերակաց՝ Երևան
Օր 6 - Գինի, վելնես և հայկական նրբագեղություն
- Օրը սկսեք ԳՈՒՄ շուկայում՝ հայկական խոհանոցային ավանդույթների վառ ցուցափեղկում։ Բուրավետ համեմունքներ, չրեր, ընկույզներ, ավանդական քաղցրավենիք և տեղական նրբություններ. կարող եք համտեսել և զրուցել վաճառողների հետ։
- Վերնիսաժ՝ Երևանի հայտնի բացօթյա արվեստի և արհեստների շուկան, որտեղ վարպետները ներկայացնում են ձեռագործ զարդեր, խեցեղեն, տեքստիլ և ավանդական հայկական հուշանվերներ։
- Շքեղ գինու սպա-փորձառություն՝ խաղողի հիմքով վերականգնող պրոցեդուրաներ և հանգստացնող վելնես-ծես, որը ոգեշնչված է խաղողին ու գինուն ավանդաբար վերագրվող բուժիչ հատկություններով։
- Ճամփորդության ավարտը՝ նրբաճաշակ հրաժեշտի ընթրիք. ժամանակակից հայկական խոհանոց, բացառիկ տեղական գինիներ և վերջին կենաց՝ Հայաստանի զարմանահրաշ գինեգործական ժառանգության պատվին։
Գիշերակաց՝ Երևան
Օր 7 - Անձնական հրաժեշտ
- Հանգիստ նախաճաշ և ազատ ժամանակ զբոսանքի կամ գնումների համար։
- Անհատական հրաժեշտի նվեր՝ ընտրված հայկական գինեգործական արտադրանքով։
- Անհատական տրանսֆեր դեպի օդանավակայան և մեկնում։
Ներառում է
Դարձրեք ձեր ճամփորդությունն էլ ավելի առանձնահատուկ. բացառիկ շքեղ հավելումներ
Նրանց համար, ովքեր փնտրում են իսկապես արտասովոր տպավորություններ, մեր հեղինակային գինու ճամփորդությունը կարելի է լրացնել անհատական արկածներով և նրբաճաշակ հաճույքներով։
- Հայաստանը վերևից. անհատական թռիչք ուղղաթիռով տպավորիչ լեռների, խաղողի այգիների և հնագույն վանքերի վրայով։
- Արևածագը այգիների վերևում. շունչը կտրող թռիչք օդապարիկով, որին հաջորդում է նախաճաշ հայկական փրփրուն գինով։
- Սեղան, որի նմանը չկա. բացառիկ անհատական ընթրիք գեղատեսիլ բնական կամ պատմական վայրում՝ անձնական շեֆ-խոհարարով և պրեմիում հայկական գինիներով։
- Ձեր անձնական գինու կոնսիերժը. գինու փորձագետ, ով ամբողջ ճամփորդության ընթացքում կկազմակերպի հազվագյուտ համտեսներ, բացառիկ հանդիպումներ գինետներում և գինու բացահայտումներ՝ հենց ձեր ճաշակով։
- Անհատական գինու պիկնիկ լեռներում. առանձնացեք Հայաստանի հիասքանչ լեռնաշխարհում նրբաճաշակ պիկնիկի համար՝ խնամքով ընտրված հայկական գինիներով, տեղական նրբություններով և բնության գրկում գեղեցիկ ձևավորված սեղանով։
Բոլոր հավելումները կամընտրական են և հասանելի են՝ կախված առկայությունից, եղանակային պայմաններից և կազմակերպչական հնարավորություններից, լրացուցիչ վճարով։
Գին
սկսած 410,000 AMD
Ամրագրեք այս տուրը
Ուղարկել հարցում
Հարցեր ունե՞ք։
Փնտրո՞ւմ եք հավելյալ տեղեկություններ։ Ուղարկե՛ք ձեր հարցը տուր-մենեջերին՝ մանրամասներին ծանոթանալու համար։
Հաճախակի տրվող հարցեր
Ի՞նչ լեզուներով են խոսում Հայաստանում:
Պետական լեզուն հայերենն է։ Ռուսերենն ու անգլերենը լայնորեն տարածված են, հատկապես սպասարկման ոլորտում։ Անգլերենն ավելի հաճախ հանդիպում է երիտասարդության շրջանում, և անկախ լեզվական պատնեշից՝ տեղացիները միշտ պատրաստակամորեն կօգնեն Ձեզ գտնել Ձեր ճանապարհը։
Ինչպիսի՞ն է եղանակը: Ո՞րն է այցելության լավագույն ժամանակը:
Հայաստանն ունի չորս արտահայտված եղանակ՝ տաք ամառներ, ձյունառատ ձմեռներ, ծաղկուն գարուններ և գունագեղ աշուններ։ Յուրաքանչյուր եղանակ առաջարկում է յուրահատուկ և հաճելի փորձառություններ՝ արշավներից ու գինու երթուղիներից մինչև ձմեռային զվարճանքներ։
Ո՞րն է ազգային արժույթը և հնարավո՞ր է վճարել քարտով:
Հայաստանի ազգային արժույթը հայկական դրամն է (AMD)։ Քաղաքներում քարտով վճարումները և բանկոմատները լայնորեն հասանելի են, սակայն գյուղական վայրերում կարող է անհրաժեշտ լինել կանխիկ գումար։ Apple Pay և Google Pay համակարգերն ընդունվում են շատ վայրերում։
Էլեկտրական վարդակների ո՞ր տեսակն է օգտագործվում Հայաստանում:
Հայաստանում օգտագործվում են C տիպի (եվրոպական) վարդակներ՝ 220-240 Վ լարմամբ և 50 Հց հաճախականությամբ։ Եթե Ձեր սարքավորումն աշխատում է 100-240 Վ միջակայքում, ապա Ձեզ անհրաժեշտ կլինի միայն անցում (adapter)։ Հյուրանոցների մեծ մասը կարող է տրամադրել այն՝ ըստ պահանջի։
Ինչպե՞ս կարող եմ ձեռք բերել կապ և ինտերնետ:
SIM քարտերը հեշտությամբ կարելի է ձեռք բերել օդանավակայանում կամ Երևանում։ Փաթեթներն արժեն մոտ 10 — 12 դոլար, որոնք հաճախ ներառում են մեծածավալ կամ անսահմանափակ ինտերնետ։ Կապի ծածկույթը հասանելի է ողջ երկրում, նույնիսկ հեռավոր բնական վայրերում։
Ծորակի ջուրը խմելու համար պիտանի՞ է:
Այո՛, Հայաստանի ծորակի ջուրը մաքուր է և թարմ։ Ողջ երկրի տարածքում Ձեզ կհանդիպեն նաև պուլպուլակներ՝ ավանդական քարե աղբյուրներ, որոնք առաջարկում են բնական լեռնային ջուր։
Կա՞ արդյոք հագուկապի սահմանափակում (dress code)
Պատվաստումների կարիք կա՞ Հայաստան այցելելու համար:
Ոչ, հատուկ պատվաստումներ չեն պահանջվում, և ճամփորդների համար առողջապահական զգալի ռիսկեր չկան:
Կարո՞ղ եմ վարել Հայաստանում իմ երկրի վարորդական իրավունքով:
Վիեննայի կոնվենցիային անդամակցող երկրների այցելուները կարող են օգտագործել իրենց ազգային վարորդական իրավունքի վկայականը։ Մյուսներից կպահանջվի միջազգային վարորդական թույլտվություն (IDP)։
Արդյո՞ք անհրաժեշտ է վիզա Հայաստան մուտք գործելու համար:
Շատ ազգությունների ներկայացուցիչներ կարող են մուտք գործել առանց վիզայի կամ հեշտությամբ ստանալ էլեկտրոնային վիզա։
Մենք ձեզ կտեղեկացնենք ձեր անձնագրի պահանջների վերաբերյալ։
Որքա՞ն ժամանակ է անհրաժեշտ Հայաստանը լիարժեք զգալու համար:
Արդյո՞ք Հայաստանն անվտանգ է միայնակ ճամփորդողների, այդ թվում՝ կանանց համար:
Այո՛: Հայաստանը համարվում է տարածաշրջանի ամենաանվտանգ երկրներից մեկը: Այստեղ բռնի հանցագործությունների մակարդակը ցածր է, իսկ տեղացիները միշտ պատրաստ են օգնել:
Թույլատրվո՞ւմ է լուսանկարել եկեղեցիներում և վանքերում:
Մշակութային ի՞նչ նրբություններ պետք է իմանալ:
- Բարեկրթորեն ողջունե՛ք մարդկանց։
- Պահպանե՛ք լռություն սրբավայրերում։
- Հարցրե՛ք թույլտվություն՝ նախքան տեղացիներին լուսանկարելը։
Հայերը բարձր են գնահատում հարգանքը, բարությունը և հյուրընկալությունը։
Թեյավճարը պարտադի՞ր է:
Հայաստանում հասանելի՞ են բուսակերական կամ հատուկ սննդակարգերը:
Ի՞նչ ժամանց է առաջարկվում ձմռանը:
Ձմռանը կարող եք զբաղվել դահուկային սպորտով և սնոուբորդով, մասնակցել ձմեռային արշավների, գինու համտեսների ու մշակութային տուրերի և այցելել վանքեր՝ առանց ամառային բազմամարդության:
Հնարավո՞ր է մեկ տուրի շրջանակում համատեղել Հայաստանը Վրաստանի կամ Իրանի հետ:
Ինչպիսի՞ն է հյուրընկալության մակարդակը:
Կարո՞ղ եմ պատվիրել անհատական ուղեկցորդ, պատմաբան կամ հնագետ:
Միանշանակ։ Adeona-ն մասնագիտացած է փորձագետների կողմից ուղեկցվող ճամփորդությունների մեջ։ Ըստ Ձեր նախասիրության՝ կարող եք ընտրել մշակութաբանության, հնագիտության, գինեգործության կամ արհեստագործության ոլորտի մասնագետների։
Ինչպե՞ս է Adeona-ն աջակցում կայուն զբոսաշրջությանը:
Մենք համագործակցում ենք տեղական համայնքների հետ, աջակցում ընտանեկան բիզնեսներին, ապահովում եկամտի արդար բաշխումը մարզերում, խթանում ինքնատիպությունը և նվազագույնի հասցնում շրջակա միջավայրի վրա ազդեցությունը պահպանվող տարածքներում:
Արտակարգ իրավիճակների հեռախոսահամարները Հայաստանում:
Հրշեջ ծառայություն — 101
Ոստիկանություն — 102
Շտապօգնություն — 103
Գազի վթարային ծառայություն — 104
Արտակարգ իրավիճակների կառավարման կենտրոն — 911
Քաղաքային թեժ գիծ (Քաղաքապետարան) — 105
Մարդու իրավունքների պաշտպանի գրասենյակ — 116
Օդանավակայանի տեղեկատու — 187